سكوب اس تيربو 2025

رسيفر scope s turbo
التقرير الأول

* المميزات :

١) الخامة :
الرسيفر من اجمل رسيفرات الصن بلس فى الخامة وجودة التصنيع والتقفيل وبوردة كبيرة جيدة التهوية مفيش فيها مشاكل مع السخونة والميزة أنه صن بلس داكى مش فانيلا وطبعا فرق كبير فى الجودة بين الداكى والفانيلا لمصلحة الداكى.
بودى الرسيفر من اعلى فيه ٧ ازرار بيوفروا تحكم كامل فى الرسيفر بدون الحاجة للريموت ودى أول مرة فى رسيفرات الصن بلس لأن أعلى رسيفر صن بلس جاى ب ٣ ازرار فقط لكن السكوب ب ٧ ازرار مرة واحدة .
الشاشة الرقمية الموجودة فى الرسيفر شاشة جودتها عالية فيها الأربع ارقام باللون الاخضر مع إضاءة حمراء فى لوجو الغلق فى الشاشة عند غلق الرسيفر وفوق كدة فيها شرط زى شرط شبكة المحمول فى الموبايل بتوضح جودة استقبال القناة .

٢) الملحقات :
طبعا الرسيفر رغم أنه فيه شاشة داخلية تغنيك عن استخدام الشاشة الخارجية الا انها موجودة فى العلبة لمن اراد تركيبها .
الريموتات بتيجى مع الرسيفر اتنين ريموت واحد عادى لكن بخامة ممتازة مش ريموت شعبى والتانى بلوتوث ماجيك تحفة فنية وجودة عالية زى ريموتات الرسيفرات اللى ثمنها بيعدى ال ٣٠٠٠ وفيه ٤ ازرار لبرمجتهم مع ريموت الشاشة والتحكم في. الشاشة بريموت الرسيفر والريموت ممتاز فى الاستجابة .
طبعا كابل HDMI طويل بجودة ممتازة فى فئة كابلات ال full hd .
الادابتور بخلاف الرسيفرات التانية اللى بتكون ١.٥ امبير لكن ادابتور السكوب ٢ امبير لتوفير كل احتياج الرسيفر من طاقة.

٣) السوفت وير :
سلس جدا وسريع واستجابته ممتازة مع الريموت البلوتوث وفيه تحكم ممتاز فى لون القنوات المشفرة واختيارات غلق الرسيفر ونوعية البحث عن القنوات tv فقط أو مع الراديو ومشفر ولا مفتوح واعمى ولا شبكى ممتاز فى البحث عن القنوات باختيارات متعددة .

٤)الشيرنج :
متوفر فى الرسيفر سيرفر ناشير عادى ٦شهور وسريع جدا فى فتح القنوات مع سيرفر dqcam لمدة سنة وطبعا العملاق الجوسات بلس الاصدار الثالث لمدة ٣ سنين شاملين صوتيات وترجمة وصراحة الجوسات كان مفاجأة مع السكوب عن اى صن بلس تانى بسرعة فتح قنوات مشفرة مع التقليب ما تفرقهاش فى سرعة الفتح عن القنوات المفتوحة مع ثبات رهيب فى فتح القنوات وبخلاف حصريات الفورايفر فالجوسات يتفوق على الفورايفر فى سرعة فتح القنوات المشفرة والثبات والصوتيات .

٥ ) الصوتيات :
كان أكبر مناسبة انهاردة بتجربة صوتيات الجوسات فى ماتش ريال مدريد مع برشلونة والنتيجة ثبات شيرنج مع ثبات تام للصوتيات بدون تقطيع طول الماتش بتايم شيفت ٥ ثوانى ونص والتجربة كانت على قناة tvp sport فى القمر الاوربى .
بخلاف وجود صوتيات تانية خاصة بالبنفسجية غير الجوسات مع صوتيات النوفا اللى بتشتغل لما تفعل سيرفر IPTV نوفا .
ميزة صوتيات الجوسات الموجود فى سكوب أنه أكبر تايم شيفت فيه لا يتخطى ١٠ ثوانى ودى ميزته التايم شيفت بثوانى قليلة بخلاف الفورايفر اللى بيعدى اوقات ١٨ ثانية .

وميزة تانية فى صوتيات رسيفر سكوب احتفاظة بقيمة التايم شيفت بمعنى أنا ظبط قناة على ٥ ثوانى ونص تايم شيفت وقلبت لقناة تانية او حتى طفيت الرسيفر ورجعت شغلته بمجرد ما اجيب القناة بيشغل لها القناة الصوتية مع تايم شيفت اللى أنا حفظته قبل كدة ودى ميزة انى اظبط تايم شيفت كذا قناة فى نفس الوقت لمشاهدة كذا مباراة مع بعض واقلب بينهم من غير ما اظبط تايم شيفت من الاول.

٦) ال IPTV :

لأول مرة تواجد ٣ سيرفرات من اقوى سيرفرات ال IPTV مع بعض فى رسيفر واحد وهم xiptv لمدة سنتين مع اروما لمدة سنة مع نوفا الاصلى لمدة سنة وطبعا شغالين ممتازين ودى اكبر ميزة فى رسيفرات الصن بلس متفوقة فيها على ال gx ومعالجات Ali .

مميزات إضافية :
عدم تفعيل اى سيرفر سواء شيرنج أو IPTV الا بعد ادخال الكود بنفسك يعنى وصل نت وشغل يوتيوب بدون تفعيل سيرفرات .

وجود مكتبة قرٱن كريم مجانية مدى الحياة

وجود ناشير ٢ وده ميزته تشغيل باقة ال vip عند الاشتراك .

وجود الستالكر لتشغيل اكواد الستالكر ودى النت مليان بيهم مجانية لاضافة IPTV ببلاش .

الاكستريم مقسم لبث حى وافلام ومسلسلات ويمكن إضافة حتى ٥ اكستريم مختلف .

وجود تطبيق كورة لمعرفة مواعيد الماتشات .

وجود قائمة الغلق وتشمل ستاند باى و إعادة تشغيل وغلق الرسيفر .

*العيوب :
الحمد لله لحد دلوقتى مالقتش غير عيب واحد مع وعد مهندس محمود بحل العيب ده فى السوفت القادم وهو
تفعيل سيرفر الناشير تلقائى عند الوقوف على اى قناة مشفرة.

وفى ملحوظة واجب ذكرها رغم أنها مش عيب وهى عدم وجود جودة البث فى الانفوبار ودى وعد مهندس محمود بتوافرها فى السوفت القادم .

فى النهاية الف شكر مهندس محمود على الرسيفر ده اللى بعتبره افضل رسيفر صن بلس شوفته لحد دلوقتى واللى بيتفوق فى بعض الحاجات على رسيفرات ال gx وال Ali .

الريسيفر ممتاز فعلا ولكن توجد ملاحظاتي….ال ip2sat لا تعمل حتى مع تنزيل ملف القنوات الخاص بالجهاز.
كذلك وصلة النت ٩٧٠٠ لا تعمل أى أنه يعمل wifi ..فقط ولا يمكن توصيله بشكل النت.
هل من الممكن حل هذا والسوفت وير….شكرا.
م.احمد شتا